මෙරට ප්‍රභූ පුද්ගලයන් සිරගත කෙරුණු අවස්‌ථාවන්හිදී සෑම විටම ඔවුන් රඳවා තබනු ලැබුවේ මෙම එස්‌. වාට්‌ටුව නමැති ගොඩනැගිල්ල තුළය.
මේ වනවිට බන්ධනාගාර ගබඩා අංශය යටතේ එම ගොඩනැගිල්ලේ අලුතින් තීන්ත ආලේප කර අවට පිරිසිදු කරමින් කැපී පෙනෙන ප්‍රතිසංස්‌කරණයක්‌ සිදු කරමින් තිබෙන බවද බන්ධනාගාර ආරංචි මාර්ග සඳහන් කරයි.
එස්‌. ගොඩනැගිල්ල මේ අන්දමින් හදිසි ප්‍රතිසංස්‌කරණයකට ලක්‌ කරනුයේ ළඟදීම රටේ ඉහළ ප්‍රභූවරයකු සිරගත කිරීමට ඇති සුදානමක්‌ නිසා වියහැකි යැයි බන්ධනාගාර නිලධාරීහු සැක පළ කරති.
