අවශ්‍ය නම් මෙම දරුවා ඒඩ්ස් රෝගියෙකු නොවන බව පෙන්වීමට ඔහුගෙන් ලබාගත් ලේ සාම්පලයක් තමන්ට එන්නත් කර ගැනීමට සූදානම් බවත් අමාත්‍යවරයා පවසනවා.
පාර්ලිමේන්තුවේ කී දෙනෙකුට ඒඩ්ස් තිබේ දැයි අප නොදන්නා බවත් එවැන්නෙකු හමුවුවහොත් ඔවුන් පාර්ලිමේන්තුවෙන් එළවා දමන්නේදැයි අමාත්‍යවරයා ප්‍රශ්න කළා.
තමාට මෙවැනි මිථ්‍යාවන්ට රැවටිය නොහැකි බවත් හුළඟින් හෝ කෙළවලින් රෝගය බෝ නොවෙන බව දන්නා බවත් ඒ පිළිබඳව ඉගෙනගෙන ඇති බවත් සඳහන් කළා. ලෝකය ඉදිරියේ අපි සියලු දෙනා ගෝත්‍රිකයො ලෙස පෙනේවි යනුවෙන්ද සඳහන් කළා.
කෙසේවෙතත් මේ දරුවාට රෝගය නැතැයි යන්න තහවුරු කර අවසන් බවත් පෙන්වා දුන්නා. එහෙත් සැකයක් ඇති නම් තමන් මෙම දරුවාගේ රුධිර සාම්පලයක් තමන්ට එන්නත් කරගෙන පෙන්වන්නට කැමැති බවත් සඳහන් කළා.
ලංකාවෙ හොඳ පාසලකුයි හොඳ නිවසකුයි මේ දරුවට ලැබෙන බවත් ජනාධිපතිතුමා ඒ සම්බන්ධයෙන් පොරොන්දුවක් දී අවසන් බවත් සඳහන් කළා.
