මෛත්‍රිපාල සිරිසේන මහතා ජපන් ව්‍යාපාරිකයන් මුණගැසෙද්දී හවුල් ආණ්‌ඩුව ඒ පිළිබඳ තුට්‌ටුවකට මායිම් නොකර තීන්දු තීරණ ගන්නා බවත් මෙය හවුල් ආණ්‌ඩුවක්‌ යෑයි කීවත් රජය කරන්නේ කවුරුන්ද යන්න දැන් පැහැදිලි බවත් හෙතෙම කියා සිටියේය.
මෙරටට පැමිණෙන සංචාරකයන් වැඩි ප්‍රමාණයක්‌ ගමනා ගමන කටයුතු සඳහා භාවිතා කරන ටොයොටා ප්‍රියස්‌ රථයේ තීරුබදු මිල රුපියල් ලක්‍ෂ 75 කින් පමණ ඉහළ දමා ඇති බවත් කී හෙතෙම එය සංචාරක කර්මාන්තය බිඳ දැමීමේ තවත් එක්‌ කුමන්ත්‍රණයක්‌ බවත් පැවසීය.
මේ හෙයින් රථවාහන හිමියන් සංචාරක ගාස්‌තු ඉහළ දැමීමට කටයුතු කරනු ඇති බවත් රුපියල් හාරදහසක්‌ වන ගුවන්තොටුපළ වෙත යැමේ ගාස්‌තු රුපියල් අටදහසක්‌ ලෙසද කොළඹ සිට දකුණට යැමට අයකරන රුපියල් පහළොස්‌දහසක ගාස්‌තු රුපියල් තිස්‌දහසක්‌ ලෙසට ඉහළ යනු ඇතැයිද හෙතෙම කියා සිටියේය.
