කුමාරසිංහ මහත්මිය සමඟ සිටින මන්ත්‍රීවරුන් දෙපළක් ද ආණ්ඩුවට පැමිණීමට සූදානමින් සිටින බව පැවසූ අගමැතිවරයා දකුණේ සංවර්ධනය ශීඝ්‍රගාමීව සිදුකරන බව සදහන් කළේය.
දකුණට ආයෝජන කලාප දෙකක් ලබාදෙන බව පැවසූ අගමැතිවරයා එම සංවර්ධනය දකුණට උදාකළ පසුව ආණ්ඩුවට එක්වන ලෙස මන්ත්‍රීවරියට දන්වා සිටියේය.
ඉදිරි වසර පහක කාලය තුළ පවතින්නේ මෙම ආණ්ඩුව බව ප්‍රකාශ කළ අගමැතිවරයා දකුණේ නායකයකු සිටිය ද හම්බන්තොට සංවර්ධනය නොවූ බව ප්‍රකාශ කළේය.
නූතන දුටුගැමුණුට කළ නොහැකි වූ එම සංවර්ධනය පිටින් පැමිණෙන තමන් දකුණට ඉටුකර දෙන බව ද දකුණේ මෙන්ම සමස්ත රටේම සංවර්ධනය සිදුකරන බවත් හෙතෙම අවධාරණය කළේය.
සිංගප්පූරු නිල සංචාරය පිළිබඳ විශේෂ ප්‍රකාශයක් පාර්ලිමේන්තුවට ඉදිරිපත් කරමින් අගමැතිවරයා මෙම අදහස් පළකළේය.
