එම වැඩමුළුවට සහභාගිවීමට පෙර ඔහු අනුරාධපුරයේ දේවාලයකට ගොස් ආශිර්වාද ලබාගෙන තිබේ.
මේ අතර වමේ කේන්ද්‍රය පවසන්නේ, ඒකාබද්ධ විපක්ෂය සංවිධානය කර ඇති පාද යාත්‍රාවේ යටි අරමුණ මීළඟ ජනාධිපතිවරණයේදී හිටපු ආරක්ෂක ලේකම් ගෝඨාභය රාජපක්ෂ මහතා රජ කරවීම බවයි.
එජාපයට සැකයක් :
ඒ අතර, අද 'සත්හඬ' පුවත්පත වාර්තා කර ඇත්තේ, ජනාධිපති මෛත්රීපාල සිරිසේන මහතා සහ හිටපු ආරක්ෂක ලේකම් ගෝඨාභය රාජපක්ෂ මහතා අතර දේශපාලන සම්බන්ධයක් ගොඩනැගීම පිටුපස චීනයේ CICIR (China Institutes of Contemporary International Relations) ආයතනය සිටිතැයි එජාප ප්‍රබලයින්ට බරපතළ සැකයක් මතුව ඇති බවයි.
එම කාරනා සම්බන්ධයෙන් කල විමසීමකදී, 'වියත් මග' සංවිධායකයකු පැවසුයේ, ජනාධිපති මෛත්රීපාල සිරිසේන මහතා සමග කිසිඳු ආකාරයේ ගැටුමකට නොයාමට ගෝඨාභය රාජපක්ෂ මහතා තීරණය කර ඇති බවයි.ඊට වඩා යමක් ප්‍රකාශ කිරීමට ඔහු මැලිවිය.
