මධ්‍යම පරිසර අධිකාරිය යටියන්තොට ප‍්‍රාදේශීය සෞඛ්‍ය සේවා අධ්‍යක්ෂවරයාට යැවූ ලිපියක දැක්වෙන්නේ කැලණි ගෙඟ් ඉහළ සීමාවේ සිට ඉංගිරියාවත්ත දක්වා ස්ථාන 6කින් ලබාගත් ජල නියදි පරීක්ෂා කර මේ බව තහවුරු කරගත් බවයි.
කැලණි ගඟ ඉවුරේ හෝ කැලණි ගෙඟ් අතු ශාඛාවල ඉවුරට ආසන්නයේ වැසිකිළි වළවල් ඉදිකර ඇත්නම් ඒවා පරීක්ෂා කර කඩිනමින් සුදුසු කි‍්‍රයාමාර්ග ගත යුතු බවද මධ්‍යම පරිසර අධිකාරිය මෙයින් නිර්දේශ කර තිබෙනවා.
මේ සම්බන්ධයෙන් යටියන්තොට ප‍්‍රාදේශීය ලේකම් මානෙල් කුලරත්න කියා සිටියේ ප‍්‍රශ්නගත කරුණු සම්බන්ධයෙන් සාකච්ඡා කිරීමට කඩිනමින් අදාළ පාර්ශ්ව එක් ස්ථානයකට කැඳවන බවයි.
සුදුසු විකල්පයක් මේ වන විට හඳුනාගෙන ඇතැයි ද ඇය කියා සිටියා. ඒ අනුව මළඅපද්‍රව්‍ය පිරිපහදු ක්‍රමයක් හඳුන්වා දීමට කටයුතු කරන බවයි එහිදී ඇය පෙන්වා දුන්නේ.
