මීට ඉහතදී, මෙම සභා ගර්භයේදී විවාද කරන ලද පොදු ව්‍යාපාර පිළිබඳ කාරක සභාව විසින් පාර්ලිමේන්තුවට කලින් කල ඉදිරිපත් කරන ලද වාර්තා ඉදිරි පියවර සඳහා නීතිපතිවරයා වෙත යොමුකළ අවස්ථා දැනගැනීමට නොමැති නමුත් එලෙස කිරීම යහපත් පූර්වාදර්ශයක් වනු නොඅනුමාන යයි ඔහු එහිදී කියා සිටියේය.
ඉදිරියේදී ද පාර්ලිමේන්තුවේ විවිධ කාරක සභා විසින් කරුණු විමර්ශනය කිරීමෙන් අනතුරුව මෙම ගරු සභාවට ඉදිරිපත් කරනු ලබන එවැනි වාර්තා වැඩිදුර කටයුතු සඳහා නීතිපතිවරයා වෙත යොමු කිරීම ඉතාමත් යහපත් මෙන්ම කාලෝචිත ක්‍රියාමාර්ගයක් වන බව තමාගේ හැඟීම බවද කතානායක වරයා කියා සිටියේය.
