පළාත් පාලන කොට්‌ඨාස සීමා නිර්ණ අභියාචනා කමිටුවේ අවසන් වාර්තාව අද (17) සවස පළාත් සභා හා පළාත් පාලන ඇමැති ෆයිසර් මුස්‌තාපා මහතා වෙත බාරදෙන බව සීමා නිර්ණ කමිටුවේ සභාපති අසෝක පීරිස්‌ මහතා ප්‍රකාශ කළේය.
මේ වනවිට කමිටුවේ සභාපති වන තමා හා සිවුදෙනකු වාර්තාවට අත්සන් කර තිබෙන නිසා එක්සත් ජාතික පක්ෂ සාමාජික මිස්‌බාර් මහතා අත්සන් නොකළ ද කමිටු වාර්තාව අද (17) බාරදීමට කටයුතු කරන හෙතෙම සඳහන් කර තිබණි.
වාර්තාව බාරදීමෙන් පසු ඒ පිළිබඳව ප්‍රකාශයක්‌ කිරීමට ද තමා අදහස්‌ කරන බව ඒ මහතා වැඩිදුරටත් පැවසීය.
