කයිට්ස් මහේස්ත්‍රාත් අධිකරණයේ අදාළ සැකකරුවන් සම්බන්ධ නඩු විභාගය අද කැඳවු අවස්ථාවේ කයිට්ස් වැඩබලන මහේස්ත්‍රාත් ජෝයි මයිල්මහාදේවා මහතා විසින් ඝාතන සිද්ධියට සම්බන්ධව සැකපිට අත්අඩංගුවට ගත් 10 වන සැකකරු හා 12 වන සැකකරුව නිදහස් කිරීමට නියෝග කළේය.
සැකකරුවන් සම්බන්ධයෙන් ලද නීතිපති උපදෙස් අනුව සැකකරුවන් නිදහස් කිරීමට නියෝග කරන බව අතිරේක මහේස්ත්‍රාත්වරයා සඳහන් කළේය.
සිද්ධිය සම්බන්ධයෙන් සැකකරුවන් 12 දෙනෙකු අත්අඩංගුවට ගෙන රක්ෂිත බන්ධනාගාරගත කොට තිබිණ.
මෙම ඝාතන සිද්ධිය සම්බන්ධයෙන් කයිට්ස් පොලිසිය හා අපරාධ පරීක්ෂණ දෙපාර්තමේන්තුව වැඩිදුර පරීක්ෂණ මෙහෙයවයි.
