ඉකුත් සතියේ වැල්ලවත්ත සැවොයි සිනමාහල අසල කඩා වැටුණු ගොඩනැගිල්ලේ ඉදිකිරීම් කටයුතු සඳහා නීති විරෝධී ලෙස ඉඩ ලබා දුන් සියලුම නිලධාරීන්ට එරෙහිව විනයානුකූල ක්‍රියාමාර්ග ගැනීමට තීරණය කර ඇති බව මහනගර හා බස්නාහිර පළාත් සංවර්ධන අමාත්‍ය චම්පික රණවක මහතා ඇමති මණ්ඩලයට දැනුම් දී තිබේ.
මේ සම්බන්ධයෙන් දැනටමත් විධිමත් පරීක්ෂණ කටයුතු ආරම්භ කර ඇති බවද ඇමතිවරයා ප්‍රකාශ කර සිටියි.
වැල්ලවත්තේ කඩා වැටුණු මෙම ගොඩනැගිල්ලේ ඉදිකිරීම් කටයුතු සඳහා නීති්‍යානුකූලව අවසර ලබාගෙන නොමැති බවද මෙම පරීක්ෂණවලින් හෙළිවී ඇත.
ඉදිරියේදී මෙවැනි සිදුවීම් සිදු නොවන්නට කටයුතු කරන ලෙසත් ඇමතිවරයා අදාළ බලධාරීන්ට උපදෙස් දී තිබේ.
වැල්ලවත්ත ගොඩනැගිල්ලට අවසරදුන් අයට වැඩ වරදී
