සපුගස්කන්ද තෙල්පිරිපහදුවේ පිරිපහදු කරන පෙට්‍රල් කොළොන්නාව තොග නිමාවට පොම්ප කරන අතර එහි සිටින ප්‍රධානින් එසේ ඉන්දියන්
තෙල් සමාගමට එම පෙට්‍රල් ලබා දෙන බවට සේවකයෝ චෝදනා කරති.
තෙල් සංස්ථාවේ ඉන්ධන පිරවුම්හල්වලට මෙසේ කුඩම්මාගේ සැලැකිළි දක්වන්නේ දවයින පුරා පිහිටි වැඩිම තෙල් පිරවුම්හල් ගණන ඔවුන් සතුව තිබයදීය.
රටපුරා ඉන්ධන පිරිවුම් හල් 1235 ක් තෙල් සංස්ථාව සතුවන අතර ලංකා ඉන්දියන් තෙල් සමාගමට ඇත්තේ පිරවුම් හල් 212කි.
ලබන නොවැම්බර් 07 වැනිදා දක්වා කොළොන්නාව තොග නිමාවේ පෙට්‍රල් මෙට්‍රික් ටොන් 11,000ක තොගයක් ඇති බවද මේ අතර වාර්තා වේ.
දැනට සංස්ථාව ඇනවුම් කර ඇති පෙට්‍රල් නැව 09 වැනිදා මධ්‍යම රාති 12.30ට කොළඹ වරායට සේන්දු වීමට නියමිතය.
එහි ප්‍රමිතිය පරික්ෂා කර ගොඩබෑම් ආරම්භකර තෙල් බෙදාහැරීම යථාතත්වයට පත්වන ලබන 11 වැනිදා වනු ඇතැයි එහි ප්‍රකාශකයෙක් ශ්‍රී ලංකා මිරර් වෙත කියා සිටියේය.
ඉන්ධන හිඟවීම හේතුවෙන් රට පුරා ජනතාව ඉන්ධන ලබා ගැනීමට පෝලිම් ගැසී සිටි අයුරු කැමරා කාචවල සටහන්ව තිබුණේ මෙසේය.
ඡායාරූප - සුනෙත් ගාල්ලගේ
