පළාත් සභා සහ පළාත් පාලන රාජ්‍ය අමාත්‍ය ධුරය හෙබ වූ පුත්තලම් දිස්ත්‍රීක් සන්ධාන මන්ත්‍රී ප්‍රියංකර ජයරත්න මහතා ඒකාබද්ධ විපක්ෂයට
එක්වීම නිසා පුරප්පාඩු වී ඇති එම ධුරය, ද්විත්ව පුරවැසිභාවය හේතුවෙන් පාර්ලිමේන්තු මන්ත්‍රී ධුරය අහිමි වූ ගාලූ දිස්ත්‍රීක් සන්ධාන මන්ත්‍රීනි ගීතා කුමාරසිංහ මහත්මියගේ මන්ත්‍රී ධුර පුරප්පාඩුවට පත් කළ පියසේන ගමගේ මහතාට ලබා දීමට නියමිත බව ද එම ආරංචි මාර්ග වැඩිදුරටත් සඳහන් කරයි.
මීට අමතරව ලංකා කම්කරු කොන්ග්‍රසයේ නායක ආරුමුගම් තොණ්ඩමන් මහතාට හා ඊපීඞීපී සංවිධානයේ නායක ඩග්ලස් දේවා නන්ද මහතාට ද රාජ්‍ය අමාත්‍ය ධුර ලබා දීම කෙරෙහි ජනාධිපතිවරයාගේ හා අග්‍රාමාත්‍යවරයාගේ අවධානය යොමු වී ඇති බව ද වාර්තා වේ.
(සත්හඬ)
