පසුගිය 4 වනදා මැතිවරණ කොමිසම් සභාව විසින් එය ගැසට් මගින් ප්‍රකාශයට පත් කර තිබුණා.
අමාත්‍ය මණ්ඩලයේ අනුමැතිය ලද අදාළ උපමානයන් පාර්ලිමේන්තුවේ අනුමැතිය ලැබීම තුළින් නීත්‍යානුකූලභාවය ලබනු ඇති.
ඒ අනුව මෙම මාධ්‍ය උපමානවලින් බැදී සිටීම සියලුම මාධ්‍යයන්හි යුතුකමක් සහ වගකීමක් බවයි අග්‍රාමාත්‍ය කාර්යාලය නිවේදනයක් නිකුත් කරමින් සඳහන් කර සිටියේ.
ඒ තුළින් මැතිවරණ සාධාරණ හා නිදහස්ව පැවැත්වීමේ එක් අංශයක් වන ජන මාධ්‍ය භාවිතයේ අපක්ෂපාතීත්වය සහ සාධාරණයත්වය තහවුරු වන බව ද එම කාර්යාලය කියා සිටියා.
