අද 15 ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් පැවති කැබිනට් රැස්වීමේදී උසස් අධ්‍යාපන හා සංස්කෘතික ඇමැති අමාත්‍ය විජයදාස
රාජපක්ෂ මහතා විසින් ඉදිරිපත් කරන ලද ඒකාබද්ධ කැබිනට් සංදේශයට අනුමැතිය ලැබී තිබේ.
ඒ අනුව සයිටම් ආයතනයේ වෛද්‍ය සිසුන්ගේ සුදුසුකම් පරීක්ෂා කර බලා කොතලාවල ආරක්ෂක විශ්ව විද්‍යාලයේ වෛද්‍ය පිඨයට ඇතුළු කර ගැනීමට අනුමැතිය ලැබුණු බව උසස් අධ්‍යාපන හා සංස්කෘතික අමාත්‍ය ආචාර්ය විජයදාස රාජපක්ෂ මහතා කියා සිටී.
මේ සඳහා කොතලාවල ආරක්ෂක විශ්ව විද්‍යාලයපනත සංශෝධනය කරන බවද කීවේය. සයිටම් ආයතනය සඳහා වෛද්‍ය උපාධිය හැදැරීමට අලුතින් සිසුන් ඇතුළත් කර ගැනීමට ඉඩ නොලැබෙන බවද අමාත්‍යවරයා පැවසීය.
