මාතර දිස්ත්‍රික් එක්සත් ජාතික පක්ෂ මන්ත්‍රී බුද්ධික පතිරණ මහතා කතානායකවරයා හමුවේ මතු කළ ප්‍රශ්නයකින් මේ බව අනාවරණය වී ඇත.
එහිදී, "ලබන ජුනි 05 දා පාර්ලිමේන්තුවේ ඔප්පු
ප්‍රදානයකට ආරාධනා කරලා තියෙනවා ඔප්පුවක් නැතුවද මෙච්චර කල් පාර්ලිමේන්තුව පවත්වාගෙන ගියේ"..... යනුවෙන් මන්ත්‍රීවරයා විමසා ඇති අතර ඊට පිළිතුරු දෙමින් කථානායක කරු ජයසූරිය මහතා, මේ ගැන පසුව පැහැදිලි කිරීමක් කරන බව පවසා ඇත.
පාර්ලිමේන්තු සංකිර්ණය සහිත ගොඩනැගිල්ල ඉදිකිරීමෙන් පසු 1981 අප්‍රේල් මස 29 දා තඹ සන්නසකින් එවක ජනාධිපති ජේ.ආර් ජයවර්ධන මහතා විසින් ලබා දී ඇති අතර අනතුරුව යළිත් ජනාධිපති ආර්. ප්‍රේමදාස මහතා විසින් පාර්ලිමේන්තුව පිහිටි භුමිය පුළුල් කරමින් තඹ සන්නසක් ලබාදී තිබේ.
නමුත් නිල ඔප්පුවක් නොමැති නිසා ලබන 05 දා ඉඩම් ඇමැති ගයන්ත කරුණාතිලක මහතා නිල ඔප්පුව පිරිනැමීමට නියමිතය. නව නිල ඔප්පුව ප්‍රකාරව පාර්ලිමේන්තුව සහිත මුළු ඉඩම අක්කර 12 රූඩ් 1 යි පර්චස් 32 ක් වේ. ඊට දියවන්නාවෙන් එපිට නාගරික සංවර්ධන අධිකාරියට අයත් භුමිය හා ගොඩනැගිලිද අයත්වේ.
