අගමැති රනිල් වික්‍රමසිංහ මහතා ඉදිරි
ජනාධිපතිවරණයේදී ජනාධිපති අපේක්ෂක ලෙසත් සජිත් ප්‍රේමදාස මහතා අගමැති අපේක්ෂකයා ලෙසත් දැන් තියා ප්‍රසිද්ධියට පත් කරමින් ගමින් ගමට - නගරයෙන් නගරයට දැවැන්ත ප්‍රචාරක ව්‍යාපාරයක් ආරම්භකළ යුතු බව ඇමතිවරයා එහිදී සඳහන් කර ඇත.
ප්‍රතිපත්තිමය දේශපාලන වශයෙන් තමා සජිත් ප්‍රේමදාස මහතාව දැඩි ලෙස විවේචනය කල අයකු වුවද ග්‍රාමීය ජනතාව තුල ඔහු කෙරෙහි ඇති ආකර්ෂණය මේ මොහොතේ පක්ෂයේ ජයග්‍රහණය සඳහා යොදාගැනීම අතිශයින් වැදගත් දේශපාලන කාරණයක් බවද මංගල සමරවීර මහතා එහිදී පෙන්වා දී ඇතැයි එම පුවත් වාර්තාවේ සඳහන් වේ.
මෙම ප්‍රකාශයත් සමග අගමැතිවීමට අපේක්ෂාවෙන් සිටින එජාප නායකයින් දැඩි ලෙස කලබලයට පත්ව ඇතැයි 'සිරිකොත' එජාප මුලස්ථාන ආරංචිමාර්ග පවසයි.
පසුගිය 12 දා මාතර දිස්ත්‍රික් එක්සත් ජාතික පක්ෂ පළාත් පාලන නියෝජිතයන් වෙනුවෙන් පැවැති වැඩසටහනකට එක්වෙමින් ද ඇමති මංගල සමරවීර මහතා පැවසුයේ, රනිල් වික්‍රමසිංහ මහතා ජනාධිපති අපේක්ෂකයා ලෙස ඉදිරිපත් කලයුතු බවයි.
