මෙම සාදයේදී අත්අඩංගුවට ගැණුනු පුද්ගලයින් තිස් එක් දෙනාගෙන් ලබාගත් රුධිර සාම්පලවල කොකේන් මත්ද්‍රව්‍ය අඩංගු වී ඇති බවට එරට සිදු කරන ලද පරීක්‍ෂණයෙන් අනාවරණය තිබේ. ඔවුන් හෙට ඩුබායිහි පිහිටි අධිකරණයක් වෙත ඉදිරිපත් කිරීමට නියමිතව ඇතැයි සදහන්. කෙසේවෙතත් මාකදුරේ මදූෂ් සමග අත්අඩංගුවට ගැණුනු පුද්ගලයින් 8 දෙනෙකු ඊයේ මුදාහැර ඇතැයිද ඩුබායි නුවරින් වාර්තා වනවා.
ඔවුන්ගේ ශරීරයේ මත්ද්‍රව්‍ය අඩංගු වී නොමැති බව අනාවරණ වී තිබේ. නිදහස් වු පිරිස අතර කාන්තාවන් දෙදෙනෙකුද වනවා.
මේ අතර මාකදුරේ මදූෂ් ඇතුළු සැකකරුවන් දිවයිනට රැගෙනඒම සදහා තවමත් එක්සත් අරාබි එමීර් රාජ්‍ය සමග රාජ්‍යතාන්ති‍්‍රක මට්ටමින් සාකච්ඡා සිදුකරන බවයි විදේශ කටයුතු අමාත්‍යාංශයේ මාධ්‍ය ප‍්‍රකාශිකා සරෝජා සිරිසේන නෙත් නිවුස් වෙත කියාසිටියා.
