හිටපු ඇමැති මනෝ ගනේෂන් මහතා ට්විටර් පණිවිඩයක සටහන් කර ඇතතේ රනිල් වික්‍රමසිංහ මහතා සහ එක්සත් ජාතික පෙරමුණේ නායකයන් සමග පැවති සාකච්ඡාවේදී මෙම එකඟතාවයට පැමිණි බවයි.
මෙම සාකච්ඡා සඳහා කරු ජයසූරිය මහතා මෙන්ම සජිත් ප්‍රේමදාස මහතා ද පැමිණ තිබූ බව වාර්තාවේ.
පාර්ලිමේන්තුවේ විපක්ෂ නායකවරයා යනු මීළඟ අගමැතිවරයා ලෙස නිරූපනය වෙයි.
කෙසේ වෙතත් ළඟම පවතින පාර්ලිමේන්තු මහ මැතිවරණය ද මෙහෙයවීම සහ එහි දී එක්සත් ජාතික පක්ෂය ජයග්‍රහණය කරවීමේ වගකීම ද මේ අනුව සජිත් ප්‍රේමදාස මහතාට නිතැතින්ම උරුම වී තිබේ.
ජනාධිපතිවරණයෙන්ද පරාජයට පත් වූ රාජ්‍ය නායකත්වයද වසර පහක කාලයක් සඳහා ගෝඨාභය රාජපක්ෂ මහතා ජයග්‍රහණය කර තිබියදී එක්සත් ජාතික පක්ෂයට පාර්ලිමේන්තු මැතිවරණය ජයග්‍රහණය කිරීම අතිශය අසීරු තත්වයක පවතින බව විචාරක මතයයි.
