බේරූට් නුවර ශ්‍රී ලංකා තානාපති කාර්යාලය සඳහන් කළේ, සිය කාර්ය මණ්ඩල සාමාජිකයින්ගේ නිවාස ප්‍රතිසංස්කරණය ආරම්භ කර ඇති බවයි.
ලෙබනනයේ වෙසෙන ලාංකිකයින්ට සහන සැලසීම සඳහා සෑම දිනකම උදෑසන 8 සිට පස්වරු 4 දක්වා තානාපති කාර්යාලය විවෘතව තැබෙන බව තානාපති කාර්යාලය සඳහන් කරනවා.
අවතැන්වූවන්ට වියළි ආහාර ඇතුළු අත්‍යවශ්‍ය ද්‍රව්‍ය ලබාදීම අඛණ්ඩව සිදු කෙරෙමින් පවතින බව ද තානාපති කාර්යාලය සඳහන් කළේ ය.
මේ අතර එරට වෙසෙන ලාංකිකයින් සම්බන්ධයෙන් තොරතුරු දැනගැනීම සඳහා පැය 24 පුරා ක්‍රියාත්මක ක්ෂණික දුරකතන අංකයක් ද හඳුන්වා දී තිබේ.
ඒ අනූව 00961 576 95 85 යන අංකය ඇමතීමෙන් ලාංකිකයින් පිළිබඳ තොරතුරු ලබාගත හැකියි.
ලෙබනනයේ වෙසෙන ලාංකිකයින් සංඛ්‍යාව 25000කි.
