අප‌්‍රේල් 21 සිදුවූ පාස්කු ප්‍රහාරයේ වගකීම හිටපු පොලිස්පති පූජිත් ජයසුන්දර මහතාට බාරගන්නා ලෙස කියමින් හිටපු ජනාධිපති මෛත්‍රීපාල සිරිසේන මහතා බලපෑම් එල්ල කොට ඇති බව පාස්කු ප්‍රහාරය සම්බන්ධයෙන් සොයා බලන ජනාධිපති විමර්ශන කොමිසමේදී අනාවරණය වී තිබේ.
හිටපු ආරක්ෂක ලේකම් හේමසිරි ප්‍රනාන්දු මහතා කොමිසම හමුවේ සාක්ෂි දෙමින් මේ බව පවසා ඇත.
ප්‍රහාරයේ වගකීම බාරගන්නේ නම් විශ්‍රාම වැටුප ඇතුළු සියලු වරප්‍රසාද පමණක් නොව විශ්‍රාම යාමෙන් පසු කැමැති රටක තානාපති ධූරයක් ලබා දිය හැකි බවද මෛත්‍රිපාල සිරසේන මහතා ජයසුන්දර මහතා වෙත ප්‍රකාශ කළ බව හේමසිරි ප්‍රනාන්දු මහතා අනාවරණය කොට තිබේ.
