බන්ධනාගාර නිලධාරිනියන් දෙදෙනකුට පහරදී අත් පා බැඳ දමා පලා යාමට තැත් කළ කාන්තා රැඳවූවන් අටදෙනකු කුරුවිට බන්ධනාගාරයේදී ඊයේ (12) අත්අඩංගුවට ගෙන තිබෙනවා.
මෙම රැඳවූවන් අටදෙනාම මත්ද්‍රව්‍ය චෝදනා මත බන්ධනාගාරගත වූවන් වන අතර ඔවුන් වැලිකඩ බන්ධනාගාරයේ කාන්තා අංශයේ සිට කුරුවිට බන්ධනාගාරයට මාරු කළ අය වනවා.
මෙම රැඳවූවන්ගේ පහර කෑමට ලක්වූ නිලධාරිනියන් දෙදෙනා රත්නපුර මහ රෝහලට ඇතුළත් කර තිබෙනවා.
