එම සහන මල්ලෙහි වටිනාකම රුපියල් 1998ක් වන අතර වෙළෙඳපොළේ පවතින මිල ගණන්වලට සාපේක්ෂව රු 600ක් අඩුවෙන් භාණ්ඩ මල්ල සකස් කර ඇතැයි ද අමාත්‍යවරයා මෙහිදී කියා සිටියේය.
“අත්‍යාවශ්‍ය පරිභෝජන භාණ්ඩ ටිකක් වෙළෙඳපොළේ පවතින මිලට වඩා අඩු සහන මිල ගණන් යටතේ නිවසට ම ගෙන ගොස් දීමේ වැඩපිළිවෙලක් අපි සතොස මඟින් ආරම්භ කරනවා. අපේ බලාපොරොත්තුව ජන ජීවිතවලට අත්‍යාවශ්‍ය භාණ්ඩ වර්ග 20ක් රු 1,998ක මුදලකට 1998 කියන දුරකථන අංකයට කතා කරාම තමන් කොයි ප්‍රදේශයේ හිටියත් ප්‍රවාහන ගාස්තු කිසිවක් අය නොකර ප්‍රවාහන ගාස්තු අයනොකර සති දෙකක් ඇතුළත නිවසට ම ගෙනැවිත් දීමේ වැඩපිළිවෙලක් ක්‍රියාත්මක කරනවා.”
